ပႈပါဖရဥစ့းမ႕နႈ့ဆီဥခံ၀ဲသူဥဘီဥသးစႈသ့ဥတဖဥ ဒ္သိးအကမ့ႈ ပွၚဆီဥထြဲတႈလ႕ တႈမုဏတႈခုဥအဂီႈ

ပႈပါဖရဥစ့းမ႕နႈ့ဆီဥခံ၀ဲသူဥဘီဥသးစႈသ့ဥတဖဥ ဒ္သိးအကမ့ႈ ပွၚဆီဥထြဲတႈလ႕ တႈမုဏတႈခုဥအဂီႈ

ပႈပါဖရဥစ့း မ႕နႈ့ဆီဥခံ၀ဲ ကီႈအံဥတလံဥဖိ ဖိဒံဖိသဥသ့ဥတဖဥ ဒ္သိးအကထုကဖဥနႈ့တႈလ႕ အတံၚသကိးသ့ဥတဖဥ လ႕အအိဥ၀ဲလ႕ကီႈ Ukraine ဒီး Gaza ဒီးကတိၚဟ့ဥဂံႈဟ့ဥဘါအ၀ဲသ့ဥ ဒ္သိးအကမ့ႈ၀ဲ ပွၚလ႕အဆီဥထြဲမၚစ႕ၚတႈလ႕ တႈမုဏတႈခုဥအဂီႈနဥ့လီၚ’

လ႕ကီႈအံဥတလံဥအပူၚ ပိဏမုဥဖိဒီးပိဏခြါဖိ အါနႈ့အဂၚဃုကထိ (၆၀၀၀) သ့ဥတဖဥ ဆဲးက်ိးမၚဃုဏသကိးတႈလ႕အ၀ဲသ့ဥအကေိသ့ဥတဖဥ လ႕တႈမုဏတႈခုဥအဂီႈ ဒီးထံဥလိဏသကိးအသးဒီးပႈပါဖရဥစ့း ဖဲလါအ့ျဖ့ဥ ၁၉ သီနဥ့လီၚ’

ဖဲတႈထံဥလိဏသးဒီးဖိသဥသ့ဥတဖဥအံၚအကတီႈယ ပႈပါဖရဥစ့း ဃ့ကညးအ၀ဲသ့ဥ ဒ္သိးအကသ့ဥနီဥထီဥ ဖိဒံဖိသဥသ့ဥတဖဥ လ႕အဘဥတူႈဘဥတႈ မ့ႈလ႕ တႈဒုးတႈဎၚ ဒီးတႈဖ့ဥဆ႕သ့ဥတဖဥအဃိယ လီၚဆီဒဥတႈလ႕ Gaza တႈလီႈတႈက်ဲအပူၚယ ဒ္အ၀ဲသ့ဥ ခီဖ်ိထံဥဘဥ၀ဲ တႈသဥ၀ံၚလီၚဒိအသိးနဥ့လီၚ’

တႈမၚလိကေိသ့ဥတဖဥ အတႈမၚဃုဏသကိးတႈလ႕ တႈမုဏတႈခုဥအဂီႈအံၚ ဟဲအိဥထီဥ၀ဲ ဒ္တႈဖံးဃုဏမၚဃုဏသကိးတႈလ႕ တႈမၚဒိဥမၚဆူဥထီဥ တႈကူဥဘဥကူဥသ့လ႕ တႈမုဏတႈခုဥအဂီႈ ဒီးလ႕ပွၚကညီခြဲးဎးအဂီႈ လ႕ကေိသ့ဥတဖဥအပူၚအသိးနဥ့လီၚ’ တႈဖံးဃုဏမၚဃုဏသကိးတႈအံၚ မ့ႈ၀ဲလ႕ တႈဒုးသ့ဥညါနႈပ႕ႈ သူဥဘီဥသးစႈသ့ဥတဖဥလ႕ တႈမုဏတႈခုဥယ တႈတီတႈလိၚယ တႈကဲထီဥထံဖိကီႈဖိယ ပွၚကညီခြဲဎး ဒီးအမူအဒါသ့ဥတဖဥ အဂ့ႈနဥ့လီၚ’

ပႈပါစံးဘ်ဳးစံးဖွိဥ၀ဲ သူဥဘီဥသးစႈသ့ဥတဖဥ မ့ႈလ႕အအိဥပွဲၚဒီး တႈဆိကမိဥဆိကမး လ႕အအိဥဒီးတႈပညိဏလ႕ အကမၚဒိဥမၚဆူဥထီဥ ဟီဥခိဥအတႈထံဥအသီအဂီႈနဥ့လီၚ’ မ့ႈလ႕အ၀ဲသ့ဥ အိဥ၀ဲဒီးတႈသူဥဆူဥသးဂဲၚယ ဒီးအတႈဖံးဃုဏမၚဃုဏတႈလ႕ တႈသူဥဘဥသးသ့အပူၚ လ႕ခါဆူညါ တႈလဲၚထီဥလဲၚထီအဂီႈ အဃိနဥ့လီၚ’

ဒ္ဘီမုႈစ႕ဖွိဥအတႈအိဥဖွိဥတ႕ဥပီဥလိဏသး ဘဥဃးဒီးခါဆူညါတႈအိဥအသးအဂ့ႈ ဘူးထီဥဒီးဘူးထီဥ၀ဲအသိး ပႈပါစံး၀ဲလ႕ ဖိသဥသ့ဥတဖဥအတႈဆီဥထြဲမၚစ႕ၚတႈ အလီႈအိဥ၀ဲသပွႈကတ႕ႈ ဒ္သိး တႈစံဥညီဥတဲဏတႈသ့ဥတဖဥ အသုတဘဥမ့ႈဒဥထဲလ႕ အအိဥ၀ဲလ႕ တႈကြဲးနီဥကြဲဃါအပူၚဘဥဒီး ကဘဥမ့ႈတႈလ႕အလီၚတံႈလီၚဆဲးယ ဒီးကဘဥမ့ႈ၀ဲ တႈသ့ဥညါအီၚလ႕ တႈဖံးတႈမၚသ့ဥတဖဥအပူၚ လ႕တႈလဲလိဏကြံဏတႈအဂီႈနဥ့လီၚ’

ပႈပါစံး၀ဲဒ္သိး ပိဏမုဥပိဏခြါ့ဖိသ့ဥတဖဥ ကဘဥမ့ႈ၀ဲ ပွၚဆီဥထြဲမၚစ႕ၚတႈလ႕အကါဒိဥ၀ဲသ့ဥတဖဥယ ဒီးအသုတဘဥမ့ႈ၀ဲ ပွၚကြႈကီတႈဎိဎိ လ႕ခါဆူညါအဂီႈဘဥနဥ့လီၚ’ ဒီးပွၚလိဏဘဥသကိး၀ဲ တႈဆဲးက်ိးမၚဃုဏသကိးတႈယ တႈဘ်းစဲလိဏသးယ ဒီးမၚတႈလ႕ တႈဘဥလိဏဖိးဒ့လိဏသးအပူၚအဂ့ႈ စံး၀ဲနဥ့လီၚ’

မုႈတနံၚအံၚ တႈခီဥတႈရီဥတႈသ့ဥတဖဥ မ့ႈတႈလ႕အဘဥဃးဒီးဟီဥခိဥဒီဘ့ဥယ တုၚလီၚ၀ီလီၚ၀ဲဆူပွၚကိးဂၚဒဲးအအိဥယ ဒီးပွၚလိဏဘဥသကိး တႈသူဥဒူသးဒူယ ဒီးတႈသ့တႈဘဥလ႕ တႈဒုးအိဥထီဥတႈအသီယ ဒီးတႈကြႈစိမုႈလႈဃုဏသကိးတႈ လ႕အမၚမူထီဥ တႈအ႕ဥလီၚအီလီၚပသး ဒ္သိး ပကကြႈဆ႕ဥမဲဏသကိး တႈကီတႈခဲသ့ဥတဖဥ လ႕အဘဥဃးဒီး တႈအခိဥအဃ႕ၚယ မုႈက်ိၚ၀ဲၚကြႈယ ထံရူႈကီႈသဲး ဒီးပွၚဂ့ႈ၀ီ သ့ဥတဖဥအဂ့ႈ စံး၀ဲနဥ့လီၚ’

အအံၚ မ့ႈ၀ဲတႈမံမီဥလ႕ ပကဘဥဖုးသံနီဥထီဥက့ၚ ဒီးပသုတဘဥမံခ့လ႕ၚ၀ဲဘဥဒီး တႈမံမီဥအံၚ ဘဥတႈသ့ဥညါနႈပ႕ႈအီၚ ခီဖ်ိတႈထုကဖဥယ ပကဘဥသနၚ့ပသးလ႕ဎြၚ ဒီးအသုတဘဥမ့ႈဒဥ၀ဲ ထဲလ႕ တႈသနၚ့ပသးလ႕ ပကစႈဒဥ၀ဲ ပဂံႈပဘါအပူၚဘဥနဥ့လီၚ’

ပႈပါစံး၀ဲလ႕ တႈမုဏတႈခုဥ (Peace) ဒီး တႈကဟုကဎဏ (Care) မ့ႈတႈခံမံၚလ႕ အဘ်းစဲလိဏအသးယ ဒီးတႈမုဏတႈခုဥအတီအလိၚ တမ့ႈ၀ဲတႈအိဥပူၚဖ်ဲးဒီးတႈမၚဆူဥမၚစိးဘဥဒီး မ့ႈတႈလ႕အဘဥဃးဒီး တႈသူဥဂ့ၚသး၀ါယ တႈနဏနႈ့လိဏသး ဒီးတႈအဲဥကြံဏလိဏသး လ႕အကဒိဥတုဏခိဥပွဲၚ၀ဲလ႕ ကရ႕ကရိအပူၚ လ႕အဘဥတႈဒုးအိဥထီဥအီၚလ႕ တႈကဟုကဎဏလိဏသး အတႈရ့လိဏသးအပူၚနဥ့လီၚ’

ဖဲတႈဒုးတႈဎၚအကတီႈအံၚအပူၚယ ပႈပါဃ့ကညး၀ဲ ဖိသဥသ့ဥတဖဥ ဒ္သိးအကမ့ႈ ပွၚဆီဥထြဲတႈလ႕ တႈမုဏတႈခုဥအဂီႈယ ဒီးပွၚတ့ဘွီထီဥတႈလ႕ ခါဆူညါအဂီႈ ဒ္သိးဟံဥလ႕ပအိဥလ႕အပူၚအံၚ ကမ့ႈ၀ဲတႈလီႈ လ႕ဒီပုႈ၀ဲႈအတႈရ့လိဏသးအဂီႈအဂ့ႈ ပႈပါစံး၀ဲနဥ့လီၚ’

ပႈပါစံး၀ဲဒ္သိး ဖိသဥသ့ဥတဖဥ အကထီဒါ၀ဲ တႈပဏသူဥပဏသးလ႕အမ့ႈ တႈတကနဏဃုဏလိဏသး ဒီးကြဲမုဏ၀ဲဒ္သိး အကကြႈထြဲကဟုကဎဏ ပမူဖ်႕ဥဒီး အ၀ဲသ့ဥအတံၚသကိးသ့ဥတဖဥအတႈအိဥအသး ဒီးလ႕ခါဆူညါအဂီႈယ ဒ္သိးအကမ့ႈ၀ဲတပူၚဃီဒီး ဎြၚအတႈမံမီဥ လ႕ပွၚခဲလ႕ဏအဂီႈယ လ႕အမ့ႈ ခါဆူညါ ဘဥဃးဒီးတႈမုဏတႈခုဥ ဒီးတႈဃံတႈလၚ လ႕ပွၚကညီၚသ့ဥတဖဥအဂီႈနဥ့လီၚ’

Pope asks children to be artisans of peace- Vatican News -April 19 2024